政情：劉聖雪敗選 重返校園

未來想向法律界發展

Dana喺前年開展法律博士課程，但因為應付選舉同地區工作，讀咗一年後就申請休學一年，學業進度大落後，唔少同班同學已經完成埋課程。不過，佢就無因而諗住放棄，會喺下個月重返校園完成埋個課程，總算有頭有尾喇，更話未來如果可以都想向法律界發展，但目前最想係先完成呢個課程先。

佢又笑住話，對於再拎起課本感到擔心，因為兩年前已經驚咗一次，點知現時又要面對同樣情況，但佢有上次經驗，相信今次應該唔成問題嘅。另外，近月唔少大學校園設施受損，佢對於學校情況都略有所聞，要等到開學時再返去望望，希望同原貌分別不大咁話。