中環出更：楊雪盈聯同候任區議員 促煞停摩頓臺工程

佢哋喺Fb貼文話，摩頓臺活動中心面積狹小，但涉款過億元，按平均呎價計算係天價工程，同時摩頓臺排球場使用率高，如果依家合併，將會衍生好多問題，並唔可以照料市民嘅需求。因為佔地同成本嘅問題，新嘅活動中心又會小於標準，導致活動中心內冇辦法進行球類活動，要用到咁多公帑，一啲都唔抵諗。今次楊雪盈聯同一眾灣仔區候任議員就要求民政局喺新一屆區議會展開回應，盡快喺工程開始之前煞停，否則佢哋就會動議中止。

類似動議勢陸續有來

其實，呢啲「社區重點項目」係上屆政府提出嘅，當中包括涉款約五千萬元嘅觀塘海濱音樂噴泉同摩頓臺活動中心，類似嘅項目一直爭議不斷，仲畀好多議員形容為「小白象工程」，睇嚟新一屆區議會將會陸續煞停更多類似嘅工程項目。

卓妮