暴力衝突蔓延至各大學校園，政務司司長張建宗尋日話大學絕對唔係政治角力嘅場地，更加唔應該將大學捲入暴力漩渦之中，仲話暴力倘若持續，將政治凌駕教育之上，對呢一代學生造成嘅損害係難以彌補，亦會損害大學嘅國際聲譽同本港嘅競爭力。老實講，咁多個月以嚟，包括張建宗在內嘅多名高官，一味喺度叫市民同暴力割席，又話要止暴制亂，但愈講，暴力就更加升級，班高官個個做「冷氣軍師」，唔好齋噏當秘笈喇！
