多區都有示威衝突，搞到四處堵路，而喺理工大學嘅暴力衝突中，紅磡海底隧道嘅收費亭打到爆晒，至今仍開通無期，搞到其他隧道都大塞車，尋日講過立法會議員陳恒鑌鬧政府冇神經，要求免咗各條隧道費都唔聽，終於政務司司長張建宗話紅隧可以通車，甚至唔收費。嗱！呢啲咪叫做唔踢唔郁囉，仲有就係紅隧唔收費就會塞爆，咁係咪要考慮埋其他隧道呀？唔該張建宗諗嘢諗闊啲好冇，減埋其他隧道費，搞分流喇！
