近來本港嘅交通因為經常有示威者堵路而大癱瘓，連消費者委員會每月舉行嘅發布會都受影響，搞到要取消原定尋日舉行嘅發布會。不過，消委會總幹事黃鳳嫺就冇因為咁而放棄發布會，仲化身KOL（網紅），首次以網上記者會形式舉行發布會，仲話雖然交通係一個大問題，但因為咁而令消費者無法獲得訊息會係十分可惜喎。喺今次修例風波中唔少高官同部門都曾經透過網上直播同短片發布訊息，甚至只做「鍵盤戰士」寫網誌，黃咁做都係參考佢哋嘅做法啫，都算隨機應變嘅。
