政情：公民講場：私人泳課霸公眾池 康文署懶理捱批

唔少市民都會去公眾泳池游水，亦會發現同時間有私人教授或集體授泳，但康樂及文化事務署冇設立「公眾授泳區」制訂統一機制，喺四十四個公眾泳池，只有九個設立咗教泳區同規則，申訴專員公署決定主動調查相關嘅規管。話時話，無論私人或集體授泳都會對其他泳客構成滋擾，尤其係佔用咗泳池唔少地方，因而泳客同授泳者好容易發生摩擦，康文署署長劉明光一直闊佬懶理，政府仲話民生無小事喎，簡直自打嘴巴。