自私精泊車 霸4鐵騎位
【本報訊】香港車多泊位少，搵位泊車雖然對司機來說是難題，不過司機亦要守規矩。近日有網民就拍得一名自私司機將私家車泊在電單車車位上，而且一口氣霸佔四個車位，非常「霸氣」。
從Facebook專頁上「Hong Kong CarCam」日前上載的照片所見，一架藍色私家車打橫停泊在四個電單車泊位上，車身後泊有另一架車。而車旁豎立「電單車泊位」的指示牌，加上地下的劃線，相信是電單車泊位。
事後有網民形容「四合一車位」，批評司機的做法「自私」、「過分」，亦有人揶揄，「有錢就係可以為所欲為」，認為如果私家車被抄牌，「應該收足四張」。