政情：袁莎妮「入五」同老公飲香檳慶祝

前半生受人啟發 希望未來幫番人

Shirley上載咗幾張相，包括咗同老公嘅合照、飲香檳，當然唔少得兩隻愛犬出場。佢貼文話過去五十年有好多人幫過佢、教導佢同啟發佢，希望未來幾十年佢可以幫番其他人。老實講，佢就嚟會離開總商會，唔知未來嘅路向係點呢？佢呢番說話係咪有玄機呢？

呢個Post出咗之後，好多網友都留言祝佢生日快樂，有網友仲話希望佢嘅笑容永遠唔會消失；亦有網友唔忌諱咁話：「祝你半百生日快樂，青春常駐，開心健康」；另有網友就讚佢係二八年華添！可能因為佢提過自己任性，有網友就留言話：「你慶祝的方式都唔係好放縱啫！第日得閒記得要再放縱啲」。