公營房屋老化，好多問題出現。原來喺過去三年，房委會接獲租客索償個案約有一千九百宗，當中三分一係同水管或渠管爆裂、滲漏或阻塞有關，但係獲賠償嘅個案不足百分之五。老實講，搞到住戶與糞同眠，整好又攞唔番錢，簡直係得不償失，身兼房委主席嘅運輸及房屋局局長陳帆根本就係卸責，為免再擾民，唔該陳帆快啲去為老化嘅公屋做好維修保養，否則又成為另一個深層次矛盾，遲早又爆發出嚟，唔知點收科？
