政情：馬露明活用故事 教小朋友學識感恩
香港填鴨式教育備受詬病，小朋友讀死書真係會愈讀愈冇興趣o架！點樣先培養到佢哋嘅讀書興趣？港鐵前主席馬時亨嘅大女馬露明好努力咁去搵方法，仲由教育工作者變身兒童繪本作者添！
做咗媽媽嘅馬露明亦都好了解小朋友嘅需要，佢將自己創立教育中心時所編撰嘅教案製成兒童繪本《Thankful Theo》。究竟內容係講乜嘅呢？主要係講故事嘅主角係一個鍾意抱怨嘅小朋友，抱怨佢房間內擁有嘅嘢，但後來學會以感恩嘅角度去看待事物。
押韻吸引小讀者
馬露明喺回覆讀者嘅信中提及，呢個故事早喺佢九年前創立教育中心時所寫嘅，希望帶出感恩嘅重要性，而故事主角選擇Theo呢個名係因為同Thankful嘅發音相似，而喺一年前佢將故事重新編寫，故事嘅情節一樣，但就用咗押韻嘅語法，希望吸引更多小讀者喎。