政情：八網難逃：去法國莊園避靜 黃家和：見到靚景已忘我

仲記得黃家和上次去法國嘅莊園時，正係葡萄成熟時，近日佢又去咗莊園，唔單止喺Facebook上載咗啲相，仲貼文話嗰度有悠閒嘅生活、恬靜嘅空間同埋清新自然嘅氣息，樹葉正在變換顏色，葡萄園嘅葡萄已採摘咗，但留下咗一大片正在變色中嘅葉子，構成一幅美麗嘅圖畫。

每月都有獨特景色

好多網友見到呢個Post都好羨慕，仲形容係詩畫般嘅生活，更有網友問佢乜嘢季節去佢嘅莊園好？佢就話每個月都有其特色，冬天唔太冷，蒼涼中帶點溫馨，春天帶嚟翠綠，滿山青葱，葡萄葉子剛發芽，感到充滿生氣，夏天則充滿活力顏色，一大片向日葵花田令人心曠神怡，秋天採摘葡萄，葉子開始變顏色，好靚喎。