文員阿權在巴士站等車時，看見同樣是剛加班後下班的同事阿錩迎面走來，遂向他打招呼。
阿權：阿錩，你又係坐巴士呀？
阿錩：係呀，不過我會行去下一個站等巴士。
阿權：吓？今日已經加班到咁晏，做咩咁辛苦唔休息一下呀？
阿錩：就係因為成日加班又食無定時，想抽時間做運動都十分艱難。所以我每日都會盡量行多啲，算係每日運動吓！
阿權：吓？步行都算係做運動？
阿錩：無錯呀，步行確實是簡單又安全的運動，我們既然每天也需步行，倒不如養成步行習慣，對打工仔而言是最方便有效，又促進健康的運動。
阿錩續說：根據衞生防護中心資料，每日急步行最少十五至二十分鐘可幫助提升體能。經常急步行，並持續定期在十五至二十分鐘內急步行走完一英里（約一點六一公里），不但可以燃燒卡路里，而且有助改善心肺功能，減低患上心臟病、高血壓及糖尿病的機會，對身體健康有長遠益處。
阿權：咁要步行幾多先夠呀？
阿錩：可以持續急步行三十分鐘，也可以分開幾段時間進行，但每次應不少於十分鐘。以中等速度步行三十分鐘，累積三千至四千步。另外，亦可每天累積九千至一萬步來保持活躍生活模式。
阿權：咁都無咩難度啫！我都想健康啲，一齊行去下一個巴士站啦！
職業安全健康局
www.oshc.org.hk