首被告：死者值3000萬美元屬講笑
【本報訊】一六年荃灣工廈石棺藏屍案，昨開始踏入辯方案情階段，首被告曾祥欣出庭作供。曾自辯供稱，證供提到的犯罪組織「There」只是「吹水傾偈」的WhatsApp群組，他說過死者「個人值三千萬美元」，但「純粹傾偈講笑」，正如他在「There」聚會也提及自己、教宗和前美國總統奧巴馬價值多少。他又承認曾經對「小草」何菱瑜有感覺，二人同睡一張床褥，但無肉體關係。
曾稱，他靠「取巧方法搵錢」維生，例如介紹其他人到死者工作的財務公司借錢，他從中抽佣，死者聲稱會拿走借款人大部分款項投資。但借款是否真的用作投資？曾說：「要睇佢心情，有時佢真係攞啲錢去炒窩輪，佢話啲錢唔係佢嘅，『輸晒就算數，贏咗就我袋』，但賺到錢佢又會過番數畀人」。
曾稱，他與死者試過游說到內地客人斥資二百萬元合夥投資，但他們將對方的款項瓜分。有次他住院，急要錢「找數」出院，死者借他五千元，卻如「守財奴」般要寫借據留底。
曾指案發前數天，死者已多次問他借錢投資澳洲房地產，但他質疑死者騙財，他想「整蠱」死者，但次被告劉錫豪提議「老笠」對方。曾承認他與第三被告張善恒有份買麻繩、哥羅芳及手套等物資準備行劫，買物資是因為「買嚟屋企都有用，順便買」，例如哥羅芳可用來「黐屋企啲亞加力書架」。
稱按次被告指示打酒精針
曾祥欣憶述事發當日，他本來在單位閣樓睡覺，但死者突然大叫「X你老母咪玩啦」，他落樓幫手，已見劉壓在死者身上，張被壓在死者身下。他聽從劉的指示，替死者打酒精針，他說「嗰刻完全唔知發生乜嘢事，淨係知佢個樣好兇……我已經好驚，佢叫我做乜咪做乜」。
案件編號：HCCC 459/2016