政情：林健鋒三度嗌錯 何君堯變何君「彥」
立法會議員何君堯尋日朝早遇襲受傷，建制派出嚟回應事件，輪到身兼行政會議成員嘅林健鋒講嘢嗰陣，佢一開波就講錯咗何君堯個名，讀咗做何君「彥」，唔通佢太掛住黨友、立法會主席梁君彥，搞到讀錯？
靠隔籬黃國健提醒
林健鋒連續讀錯咗三次何君堯個名做何君「彥」，仲要企隔籬嘅黃國健係咁提佢，先至讀番啱，今次真係甩轆。不過，有時讀極都讀唔啱音嘅情況都唔出奇，再加上林健鋒同梁君彥係黨友，唔知林健鋒係咪太掛住黨友，分分鐘都掛住佢，所以先至讀錯？
不過，何君堯同梁君彥個名嘅音又真係好接近，口快快讀錯都唔奇，再加多一個何俊賢，又堯又彥又賢咁，好混亂啊！