政情：公民講場：立會不穩做下台階 垃圾徵費隨時摺埋

一向被人鬧爆問題多多嘅垃圾徵費計劃，原本喺明年實施，點知環境局局長黃錦星尋日就話，目前立法會整體狀況複雜，要等情況相對平穩後，再評估相關草案能否在本屆立法會通過，即係垃圾徵費隨時凍過水。講真嗰句，垃圾徵費成個計劃都好有問題，又要逼市民買指定垃圾袋，又會增加非法棄置，而且政府根本未做好回收，咁嘅情況下硬推垃圾徵費，真係玩殘市民！其實有咩複雜得過垃圾徵費吖，所以話立法會狀況複雜睇怕只係藉口，可能明知搞唔掂諗住拖得就拖，拖拖吓就將計劃丟埋落垃圾桶，唔使再擾民。