政情：公民講場：梁智仁應對冬季流感 慎防又倒瀉籮蟹

為咗應對冬季流感高峰期對醫療系統嘅壓力，醫院管理局主席梁智仁尋日話醫管局已及早準備，包括為各個聯網增加共五百張病床，另預先撥款七億元為員工提供支援，包括購買所需嘅儀器，同時會簡化及電子化聘請人手嘅程序。話時話，梁智仁年年都話為流感高峰期做好準備，最終都係倒瀉籮蟹，被外界狠批冇吸取教訓，重複犯錯，希望佢今次唔好再係講就天下無敵，做就無能為力，事關受苦嘅係病人。