法庭：石棺藏屍案：首被告稱曾提議自首 無人理會

三名被告依次是曾祥欣、劉錫豪及張善恒，三人被控於一六年三月四日謀殺男子張萬里。曾在會面中稱，次被告劉錫豪指示他買麻繩和米袋，他意會到劉想用米袋笠死者頭，扑暈並綁起死者搶劫。死者遇害後，劉提議買沙、英泥和木板，目的是「造個方形嘅箱」封屍。警員問曾為何幫手封屍？曾答說：「佢喺我屋企搞咗啲咁嘅事件出嚟，惟有幫。」曾指劉要挾他「唔幫手都係共犯」，曾提議「不如自首，都係判幾年（監）啫」，但無人理會。

曾稱劉回港後，他們試將石棺推入升降機運走，惟超重驚動保安，遂搬回單位，搬石棺時有血水流出，他立即清理。及後劉用風炮鑿開石棺，打算取出屍體放入行李箱棄掉，但石屎比想像中硬，屍臭味「愈來愈勁」，劉終決定潛逃台灣。

替死者笠頭套 「唔想見佢個樣」

曾稱與死者雖有金錢轇轕，但「我欠佢錢時，佢又欠我錢，各有得益，下次佢又畀單job（工作）我做」。死者試過邀請曾「夾手夾腳」騙到三名有錢人買入次貨紅酒，曾從中賺十至廿萬元，曾與死者合作過「過百單job」。

此外警員向曾展示多件證物的照片，包括在單位內檢取的藥煲，曾稱是用作煲中藥辟屍臭，由「小草」何菱瑜提出。曾又指死者失救後，他們「唔想見到佢個樣」，故替死者的頭笠上枕頭套。

案件編號：HCCC 459/2016