政情：公民講場：示威者拆圍欄 陳帆話有馬拉松咁長

喺過去四個幾月嘅反修例激烈衝突，示威者到處破壞，運輸及房屋局局長陳帆尋日話公共道路設施嘅損毀好嚴重，約有四萬二千米嘅路旁欄杆被拆除，四萬二千米相等於一場馬拉松。陳帆係比喻為馬拉松，當然唔係講緊長跑，而係講出破壞程度，潛台詞可能係話要花好長嘅時間先可以整番好，更嚴重嘅係，有啲市民可能貪方便，喺拆咗嘅欄杆位過馬路，隨時有生命危險o架！陳帆真係要加快裝番啲欄杆上去就真。