政情：今日你上鏡：蔡毅明囡囡改名要夾生辰八字

由於伴隨一生嘅名字好重要，所以Grace委託玄學師傅，起幾個迎合B女生辰八字嘅名，然後再同長輩揀選同研究，既要着眼於名字嘅意思，又要顧及普通話同粵語嘅讀音，非常慎重，搞到依家仍未有最終決定，但係填報出世紙嘅限期就快到，所以B女嘅中文名亦快將落實咁話。

要多休息 唔打算擺滿月酒

Grace添女已屆一個月，但係佢預料自己產後嘅「坐月期」需要兩個月，期間盡量喺屋企休息以調理身體，因此亦冇打算設滿月酒廣宴親朋。佢話坐月期過後，照顧一對仔女之餘又要專注手頭上嘅工作，所以小朋友都係兩個夠晒數，暫時無意再生第三個小朋友。