政情：今日你上鏡：楊偉誠遊伊斯坦布爾 沉醉歷史氛圍

旅行可以減壓，好似香港演藝學院校董會副主席楊偉誠（Frankie，左）同太太（右）、資深歌手張德蘭上月底就去咗土耳其伊斯坦布爾旅行。Frankie仲話，對佢嚟講嗰度永遠披住一塊神秘嘅面紗，佢亦只係喺電影裏面接觸過，而呢次同太太一齊嚟遊覧，就融入咗嗰度嘅歷史建築。係啲乜嘢建築物？例如王宮、伊斯蘭教教堂、東正教教堂，仲有就係長長嘅海岸線，加上厚厚嘅奧斯曼帝國 （Ottoman Empire） 色彩，佢形容簡直係東方同西方嘅融和，古典與現代結合，景色實在太靚嘞，令佢即時將所有嘅煩惱拋諸腦後，身心舒泰喎。