反修例嘅激烈衝突持續近四個月，香港旅遊業首當其衝，訪港旅客暴跌，業界早就嗌晒救命，政府早前先公布一啲支援措施，已被批小恩小惠。再睇吓內地十‧一長假期，呢幾日內地訪港旅客較去年大跌，睇嚟商務及經濟發展局局長邱騰華提出包括資助導遊每年續證時嘅進修費、政府場地嘅美食車租金減半等措施，都係唔多貼地。唔該邱騰華諗多啲真正嘅「救命」措施，唔好再做門面工夫嘞！
