中環出更：「貼錢製造氣候危機」林超英玩猜字

話說林超英日前喺社交網站上載咗一幅相，相中可見佢嘅頭像射上咗「門常開」，而另一邊就有「貼錢製造氣候危機」字句。佢仲玩猜字遊戲，叫大家根據呢幾個字猜三個字，隨即惹嚟網民熱議。

網民估係「人工島」

有網民就留言估係「放煙花」、「二噁英」同「大白象」，而更多網民就估係「人工島」，另亦有網友話︰「當全世界都講緊環保嘅時候，香港政府要反其道而行去大肆填海」林超英就回應，話中國去年年中起已全國禁止填海並實際執行，只有香港堅持填海。

原來林超英早前就施政報告提交建議，當中重點提及「明日大嶼」填海計劃，話氣候變化正轉向氣候災難，海水上升速度未來會急劇，呢個時候建人工島會增添本來唔存在嘅重大氣候風險，強烈建議擱置大嶼山東部海域人工島計劃。雖然佢冇直接就猜字遊戲開估，但好明顯就係「人工島」喇。

卓妮