我有正能量：學前特殊教育規劃差 輪候期長 教師乏培訓
一三至一六年，全港每年平均有八千二百多個六歲以下的新增自閉症個案。但根據立法會文件，各種資助學前康復服務的輪候期平均超過一年，瞬瞬由申請至入讀S位輪候時間更長達兩年。本港學前特殊教育需要兒童的支援政策由社署統籌，但特殊中、小學教育則由教育局負責。不少關注團體均指出，當特殊兒童進入小學階段，支援服務會出現斷層。
「其實衞生署嘅兒童體能智力測驗中心有晒數據，知道個趨勢係上升緊。部門之間有冇分享相關數據？有冇制訂長遠而全面嘅規劃？」Cyrix指本港的特殊教育規劃早應於十年前開始，除要在硬件上興建更多不同的培訓中心外，增加培訓特殊教師的學額更為重要，惟至今未見政府有重大的改善。
黃金訓練期 不容忽視
Alice則認為政府十分短視，只着緊眼前的利益。「試諗吓，如果呢班小朋友喺零至六歲嘅黃金期訓練得唔好，第時出嚟搵唔到工、自理唔到，最後都係要搵番政府。」她續指，家長若要長時間貼身照顧特殊需要孩子，無法工作，社會連帶失去家長的生產能力，整體社會成本更難以估計。