立法會暑假休會前，由於大批反對修訂《逃犯條例》的示威者六月中衝擊立法會大樓，其時已決定將《國歌條例草案》恢復二讀審議嘅事宜，留待立法會十月復會後才處理，不過，據知建制派評估今年內《國歌法》恢復二讀嘅機會甚微。
其實，《國歌法》喺六月押後恢復二讀後，有指建制派唔想令到七一遊行人數增加，因而以休會辯論拉布，令傳召律政司司長鄭若驊嘅議案及無約束力嘅不信任政府議案未能在七一前展開討論，而立法會大樓喺七一亦受到嚴重破壞，其後被迫提早休會。
立法會如果十月中成功復會，距離年底只剩約兩個月時間，據知，建制派估計，有積壓甚多嘅民生議題要傾，點都係先通過啲同民生相關嘅法案先，加上考慮到社會氣氛，亦未必適宜審議《國歌法》，因此估計今年僅餘兩個多月會期，《國歌法》能恢復二讀機會甚微。
此外，建制派亦預計立法會若成功復會，泛民都會就七月嘅元朗襲擊事件等多場修例風波相關嘅衝突，提出以特權法調查，再加上要審議番傳召鄭若驊議案及不信任政府議案，估計火藥味都甚濃。