政情：八網難逃：唔怕危險 陳凱欣同街坊舞劍
最近喺每個周末四圍都有示威遊行，搞到人心惶惶，好多人就算放假都選擇留喺屋企唔敢出街，但上周末立法會議員陳凱欣竟然選擇落街舞劍喎，唔通係因為最近唔安全，搞到要練定幾招傍身？
網民讚「好有功架」
講吓笑啫！原來當日係九龍區有文化匯演活動，陳凱欣只不過係落去同街坊一齊玩。佢喺社交平台上傳咗幾張相，其中一張係佢揸住太極劍同人合照，仲貼文話係睇完表演之後忍唔住要拜師學藝，學番一招兩式，仲問大家係唔係有板有眼？有網民就留言話佢「與眾同樂」、「好有功架」，但係同時亦都有人留言「哈哈」喎！
至於其他相，見佢仲有玩攤位遊戲，當見到美甲工具時，佢仲好開心咁指住啲工具，好似未見過咁！