有傳染病專家話今年澳洲冬季流感提早爆發，而呢個星期本港醫院亦接到零星流感個案，情況好罕見，估計香港冬季流感會提早爆發。話時話，香港近呢幾年流感高峰期，疫苗又唔夠，病人逼爆公立醫院，搞到倒瀉籮蟹，而食物及衞生局局長陳肇始同醫院管理局高層講話吸取教訓，市民都聽到厭，事關講完情況冇改善不特止，仲差過以前。嗱！依家有專家提醒話提早殺到，陳肇始咪當耳邊風，喺度歎慢板呀！
