有立法會議員畀女圍，仲唔係一個，而係畀一班女士圍喎。邊個咁有艷福呀？咪就係何啟明（前排右二）囉！話說喺社交平台見到張相，有一班身穿傳統服裝、拎住扇嘅女士包圍住佢，而佢身穿粉紅色襯衫，完美咁融入咗喺個環境裏面，最吸睛嘅係相嘅右下角竟然寫住「love you」。嘩！究竟搞乜鬼？佢話嗰日係去同跳舞嘅朋友一齊玩，之不過見到佢笑得都有啲尷尬，唔通佢驚老婆呷醋，定係因為畀女圍搞到有啲怕醜呢？
（互聯網）
