我有正能量：持續訓練 培育球壇生力軍
訓練班的另一焦點人物，是活躍於本地球壇多年的招重文（招Sir），他希望足球可以改善一眾隊員的心態之餘，亦能燃起他們對足球的熱愛，他更指同類訓練班一定要「不斷做」，希望可以為本地球壇培訓出一班生力軍。
協助踏上職業之路
「足球嘅魅力好難用言語表達，訓練嘅時候又熱又攰，對普通小朋友嚟講有時都會覺得辛苦，何況係一班專注力不足或者有其他情緒問題嘅學員呢？但係佢哋往往愈踢愈起勁。」招Sir更指，有學員由一開始大哭不想進場訓練，變為現時堂堂早到兼主動訓練，令他印象十分深刻。
「我希望嚟緊幾年可以不斷舉辦呢類訓練班，吸引多啲小朋友踢波。」招sir指，現時訓練班學員年紀最小的是十歲，最理想的情況是開辦不同年齡組別的訓練班，持續培訓他們至十六歲，「如果佢哋有志成為職業足球員，我一定會從旁協助。」