政情：示威者作埋「國歌」 學者：想搞獨立

呢段短片長逾兩分鐘，一開始就有幾個戴上頭盔、戴眼罩、黑色口罩同着黑衫嘅男女帶頭唱，跟住愈嚟愈多黑衣人加入一齊唱，部分黑衣人更加負責拉小提琴、吹單簧管同打鼓，唱到中段，更有人揮動黑紫荊旗，隨後場內噴出白煙，相信係寓意警方施放催淚彈，未幾全場變得煙霧瀰漫，最後更全場大合唱，簡直好似交響樂咁。

揮黑紫荊旗 明顯否定一國兩制

理工大學專業及持續教育學院講師陳偉強話，洋紫荊係香港嘅區旗，而呢段短片揮舞黑洋紫荊旗明顯係否定一國兩制同香港主權屬於中國。

佢仲話好多國家搞獨立運動嘅人都會唔單止透過文宣，甚至會透過藝術同音樂嚟表達自己嘅理念，從而去影響其他人。