政情：預祝中秋節顏汶羽要食蕉

籲佳節放下政見 咪阻人團圓

話說Frankie今年買唔到楊桃，所以淨係可以食蘋果同香蕉，前幾日就帶埋水果同月餅探街坊。佢話，因為同街坊識咗好多年，感情好好，所以每逢佳節都會同街坊吹水，見街坊多過見屋企人。

不過今次落區就有人向佢反映，話好驚中秋節會見到意見不合嘅街坊，怕到時會嘈交，搞到中秋節都唔開心。佢就呼籲大家中秋佳節放下政見︰「唔好阻到人哋中秋節團圓呀」。

問到中秋節正日打算點過？Frankie就話呢排比較忙，屋企人已投訴話淨係可以喺電視機見到佢，所以為咗補償屋企人，今年一定會返屋企食飯，不過佢尋日就先同朋友去維園睇巨型金龍花燈喇。希望佢無論幾忙，都真係趁中秋節陪吓家人，否則又被投訴喇。