政情：今日你上鏡：葉建源首次立會外接待外國議員

立法會議會聯絡小組委員會主席葉建源（左），近日喺社交網站上載咗一張同瑞典國會議員嘅合照，望真啲背景，唔多似係立法會入面喎。葉建源話，其實嗰度係瑞典商會嚟嘅，由於秘書處話立法會嘅會議室，依家唔方便用嚟同外國嘅代表團見面，所以今次就係首次喺立法會大樓以外嘅地方，接待外國國會代表團，同佢合照嘅就係瑞典國會財務委員會代表團嘅團長，對方有七位國會議員來港，大約見咗不足一小時，對方都好關注香港嘅情況咁話。咁遠一場嚟到，又入唔到立法會，唔知呢班瑞典議員有冇好失望呢？