政情：公民講場：連場示威 旅客大減 邱騰華出招咪歎慢板

反修例嘅激烈衝突持續近三個月，重創香港經濟，更加打殘咗旅遊業，新加坡七月酒店平均入住率創十四年新高，好明顯係益咗競爭對手。話時話，政府終於跪低話撤回修例，但社會創傷唔係五時三刻可以修補，唔好話香港市民，就連旅客對香港社會秩序同治安都冇信心，商務及經濟發展局局長邱騰華唔係齋噏安全，亦唔係減吓啲牌照費就可以幫到業界，唔該佢快啲出招救亡，咪再歎慢板。