政情：麥潤培返母校 師弟唔識佢

話說呢位師弟問麥仔，可唔可以分享一啲反修例運動嘅睇法，麥仔就答梗係可以啦，但當麥仔反問師弟想佢用社工定區議員嘅身份講之後，師弟就話：「哦！原來你係區議員，咁你識唔識邊個係麥潤培呀？」吓！咪企喺佢身邊囉！麥仔話如果同師弟講︰「麥潤培你都唔識嘅話」，就會畀人覺得佢自我膨脹，所以佢就答個師弟︰「其實我咪就係麥潤培囉！」

笑稱啲人淨係識佢個名

麥仔覺得自己有名無實，唔算係一個好出名嘅人，仲講笑咁話「生得唔靚仔」，啲人淨係識佢個名，但係就唔認得個樣，又話有次喺馬鞍山畀警察查身份證，期間警員問佢做乜嘢職業，麥仔就答區議員，橫額上面嗰個就係佢，警員話唔似喎，直至睇到佢張身份證先信。