立法會大樓七一被衝擊後，計咗成個月才計出維修費要四、五千萬元，部分由政府承擔，部分就先由行管會營運儲備支付，再經立法會秘書處同保險公司索償。聽講連政府出幾多都未計完，點知早幾日又再次被破壞，成個保安更亭爛晒，仲有車閘控制箱、玻璃面板破裂等等，睇嚟啲維修費又要重新計過。其實依家啲衝突場面，好多時喺金鐘一帶發生，立法會大樓好易被波及，隨時隔一排又被衝擊，睇嚟立法會主席梁君彥有排都計唔完條數嘞！
