政情：八網難逃：梁文廣湊仔開學 打風無車搞到遲到
無論家長定學生，對於開學都一樣咁緊張，深水埗區議員梁文廣（Scott）尋日就係Facebook貼文，講起自己湊囝囝開學，唔單止三號風球落大雨、巴士行車時間受阻兼全街都無的士，真係一波三折。Scott話，最終跑極都趕唔切，開學第一日就遲到。聽落真係慘呀！
Scott話，自己以前做開學交通監察做得多，尋日就第一次經歷帶阿仔第一日返小學，原來真係好緊張，又打風又無車，囝囝着住件橙白色校服，望住條街，佢同太太企咗喺度唔知點算。
落車跑都趕唔切
佢話阿仔間學校喺大角咀，深水埗過去其實好近，十幾分鐘就得，結果巴士就遲咗十幾分鐘，落車後帶埋阿仔一齊跑，點知最後都係趕唔切，開學第一日就遲到，真係混亂到不得了咁話。