政情：今日你上鏡：龐愛蘭遇沙官師妹 讚校服顏色靚咗

沙田區議員龐愛蘭（Scarlett，右三）就喺佢社交網站上載咗張相，話巧遇學有所成嘅師妺，覺得好有親切感。見到Scarlett同一班學生妹合照，好有青春氣息呀！問番原來佢喺開學前一日，參加咗啲一日旅行，最後一站係沙田文化博物館，咁啱見到幾個啱啱大學畢業嘅沙田官立中學師妹，着住成套校服係門口影畢業相，令佢諗起以前，就上前傾咗吓計，又話宜家校服改咗「一件過」，雖然顏色靚咗，但冇得好似佢讀書時咁分開上下兩件，可以摺短啲裙靚啲喎。