政情：鄭松泰公開同曼聯專頁割席

鄭松泰早前上載截圖，煞有介事寫住「我正式割蓆（席）」五隻大字，不過佢並非對示威者割席，而係同一個Facebook專頁割席，所以喺該專頁到留言講再見。

轉頭又話不分化

該專頁與英超球隊曼聯有關，鄭松泰認為，該專頁係足球歸足球，政治還政治，佢自問做唔到，所以就自行退出，以避免無意思嘅爭拗喎。佢更用另一隊英超球隊車路士作比較，話兩隊波喺同日和波收場，但車路士團體精神令人敬仰，似乎有弦外之音彈曼聯喇。

唔少網友見到都紛紛留言，有人建議鄭松泰轉捧曼聯嘅宿敵利物浦，不過鄭松泰今次就抵死地話不分化喎。