政情：楊靜舉家上海探公公 最想五代同堂

Sally近日喺社交網站講起一家人去上海同公公聚會，佢話，兩個女兒喺九月中就要去英國讀書，之後可能會少啲返上海，所以想趁機會帶佢地見吓公公，老人家見得一次得一次，仲大讚女兒好孝順，同佢一起去買健康食品畀公公添！一家人一齊喺黃浦江邊食飯，又一齊散步，氹到公公好開心喎！

盼公公見到兩曾孫結婚生B

佢又講起，公公係佢最親嘅人，自己係由公公婆婆湊大，公公雖然已經九十四歲，但行得食得，平日仲會自己洗衫，前幾年仲會每朝鍛煉身體添，認真犀利！今次係四代同堂聚一聚，Sally話，最希望係有日可以五代同堂，等公公可以見到佢兩個女兒結婚生BB喎。