政情：壁球場長開冷氣 歐詠芝拆解原因

地板濕滑易跣腳

歐詠芝早前出席一個環保活動時分享環保心得，例如會用水樽代替膠樽、以單車代步等，但講起壁球，佢都話打波時的確要開冷氣同射燈喇！佢解釋，香港天氣潮濕，如果唔開冷氣就會令地板濕滑變得跣腳，唔適合繼續打波，所以壁球場一旦出現冷氣故障，就會索性取消訓練，但佢就話會盡量唔開太大冷氣，似乎已經係可行情況下，平衡節能同打波喇！

佢又講到，傳統壁球場以室內為主，但近年愈嚟愈多戶外場地，四面牆壁都用上玻璃，而佢經常去外地比賽，最炎熱嘅地方就係埃及同印度，好彩未試過打到中暑，但就有出現過脫水而抽筋嘅情況，睇嚟天氣都好影響到運動員嘅發揮。