中環出更：當街被罵漢奸 民主阿婆黑面
網絡流傳一段短片，見到被中央點名狠批為「禍港四人幫」之一嘅民主阿婆、前政務司司長陳方安生，喺灣仔街頭當街被人爆粗罵「×街」、「八婆」，又被兜口兜面罵係漢奸賣國賊、賣港求榮，同埋勾結外國人出賣香港，不得好死。
當時民主阿婆身處皇后大道東同太原街交界嘅行人路上等緊的士，有一名身穿藍白間條T恤嘅男子上前，用手持寫上「賣港求榮」嘅紙牌擋喺佢面前，不停咁向民主阿婆話：「你鍾意玩嘢，好鍾意玩嘢」，仲鬧佢「你睇吓，你出賣香港呀！不得好死。」民主阿婆即時面黑。
「賣港求榮 不得好死」
該男子又不停指住民主阿婆，鬧佢「賣港求榮、賣國賊；陳方安生、賣國賊，不得好死、八婆，的士都唔做你生意，話畀你聽（你）真係×街嚟o架，好人唔做，出賣香港。」
另一名身穿藍色恤衫嘅男士就提及民主阿婆已過世嘅阿叔、有「康復之父」之稱嘅方心讓，話方心讓好好o架，直指民主阿婆唔應該咁樣，民主阿婆就反駁：「你覺我做咗啲乜嘢出嚟？」該名穿T恤嘅男子又大嗌：「你自己睇睇，漢奸走狗陳方安生。」
兩名男子直指民主阿婆唔應該去美國，但民主阿婆就回應話年年都去美國，即被罵「你唔應該（去美國），你出賣香港！咁樣有乜好處？」又大罵民主阿婆搞到香港變成咁樣，搞到佢冇啖好食，民主阿婆隨即反駁：「係我搞o架？大家可以有唔同意見。」又反問「我搞o架？」
跟住民主阿婆上咗的士，該名穿T恤的男子繼續破口大罵「你勾結外國人出賣香港，你去美國都畀人撞死，你去美國都不得好死，八婆，你搞到香港冇啖好食，你驚就唔好走喇！」
卓妮