政情：亞馬遜大火影響廣泛 余遠騁憂損藥材原材料

William話，亞馬遜森林對地球好珍貴，幫手吸收二氧化碳，每年更為地球製造出兩成氧氣，而且孕育出唔少物種，有部分藥物嘅原材料更係來自雨林，所以呢場大火影響絕對唔細。

身體力行 走路代替坐車

另外，全球暖化呢個議題已經講咗好耐，佢話情況愈見惡化，因為過去一年世界各地都出現多宗因高溫而死亡個案，為環保就要身體力行，若果前往路程短嘅地方，佢會選擇以步行代替乘搭交通工具，既能減碳，又可以當做運動喇。

不過，佢都大嘆現時夏天愈嚟愈熱，尤其打風前出現嘅熱夜令人更加難受，結果令更多人開冷氣，形成惡性循環，至於佢自己就唔太怕熱喇，似乎屋企嘅冷氣唔使點用喎。