香港經濟受到重創，飲食業更加提早步入寒冬，有團體尋日話好多酒樓食肆都執笠，打工仔飯碗不保，手停口停，唔知點顧家，要求政府設立緊急失業援助金。嗱！勞工及福利局局長羅致光講過話會睇實失業率上升嘅問題會採取措施，若要設立援助金就要財爺陳茂波（波叔）開水喉，接唔接波先？波叔咪以為推出咗紓民困措施就算數，尤其啲錢唔知幾時先落到市民個袋，依家講緊救急呀！
