政情：八網難逃：重遇楊榮文 黃梓謙把握機會再偷師？
又有外國政要訪港？唔好咁敏感，講緊嘅係新加坡外交部前部長楊榮文，佢去咗參觀Facebook香港總部，咁啱得咁蹺，平等機會委員會成員黃梓謙（Gary）都在場，呢次重遇到底傾咗啲乜嘢呢？
仲記得幾年前，Gary競逐立法會港島區選舉落敗後，去咗一個悠長假期，返港第一時間就同楊榮文會面，仲話楊榮文對佢嘅政途「畀咗啲建議」，臨尾送咗本書畀佢，仲寫咗幾隻字祝佢好運添！
未知政途何去何從
其實Gary亦係兒童事務委員會成員，雖然擔任政府公職多咗，但係早前就退出咗所屬嘅政治組織民主思路，究竟未來嘅政途何去何從？咁啱又重遇楊榮文，唔知今次有冇搵楊榮文偷師，指點吓佢呢？