政情：公民講場：智能燈柱恐洩私隱 楊偉雄騰騰震

由於觀塘反修例遊行會關注埋喺區內嗰幾支智慧燈柱有冇洩私隱嘅問題，政府資訊科技總監辦公室澄清，智慧燈柱係冇人臉識別功能同不能偵測或讀取身份證資料，仲話政府已成立多功能智慧燈柱技術諮詢專責委員會，檢視相關嘅私隱保護與資訊保安技術事宜。重要嘅嘢要講三次！政府連續講咗三次澄清、澄清、澄清，可見創新及科技局局長楊偉雄依家震騰騰，其實驚都冇用喇，只怪佢之前解釋得唔清唔楚。