內地活豬尋日恢復供港，但係只得千餘隻，同過往一日要四千隻豬，相差好遠。有豬販講明豬嘅數量極少，市民仍要捱「天價豬」捱到新年先恢復正常。老實講，依家就連肉販都好難做，有啲逼住要賣其他嘢頂檔，好似吊鹽水咁，再加上遲啲有可能經濟衰退，市民就百上加斤嘞，但食物及衞生局局長陳肇始仲歎慢板，搞到內地供豬好似唧牙膏咁，唔該佢加啲力水同內地部門傾，加快活豬供港喇！
