近日嚟多名財金官員都出嚟講咗反修例行動重創香港經濟，商務及經濟發展局局長邱騰華尋日亦話香港經濟正處於內憂外患嘅情況，若香港問題喺一年內仍未解決，唔知道香港下半年嘅情況會否比上半年更差，仲話本港嘅經濟增長未來可能會有零增長，甚至是負增長，呢個唔係一個輕微調整。老實講，政府一味話經濟會變得好差，呼籲停止反修例嘅遊行，之但係你有你噏，冇人聽佢支笛喎，倒不如再諗吓計點解決喇！
