迴旋處扭軚切線 的哥險累後車攬炒

事發前日傍晚七時許於荃錦交匯處，該迴旋處多達六個出口，駕駛者都要格外小心。網民Ken Chan在Facebook群組「馬路的事討論區」上載車Cam片。片中事主在迴旋處行駛，正準備駛出荃灣中方向出口，其左邊一輛的士本來向同一方向行駛，但在準備駛出路口之際，的士突然將車橫亘路面，再扭軚向鄰線駛走，幸兩車尚有一段距離才未發生意外。

事主不禁埋怨，「啱啱先過完七月十四無耐……的士叔叔可唔可以唔好咁嚇我」，又語帶諷刺說，「最衰都係我啦，唔cut去慢線過咗你就算」，笑言好彩打得切死火燈，否則可能被尾隨車輛撞至「屁股開花」。另亦有人揶揄的哥「玩開GTA」、「行錯路並唔係窮途末路」，認為毋須強行轉線。