政情：風波外的高官 黃錦星去四川搵小熊貓
最近本港局勢紛亂，社會氣氛緊張，成個政府問責團隊都要幫手諗計拆彈，亦有高官做「鍵盤戰士」，挽救民望。而環境局局長黃錦星就反其道而行，最近竟然去咗四川餵小熊貓。究竟搞乜？
探臥龍18位實習生
原來最近有十八名大學生參加咗為期六周嘅四川臥龍青年實習計劃，黃錦星最近就去咗探佢哋兼出席佢哋嘅結業禮，佢哋仲有促膝夜談添。黃話，四川臥龍係國家級自然保護區，係大熊貓出沒嘅地方，而香港年輕人可以透過青年實習計劃，貼身體驗自然保護區喺汶川大地震後嘅重建同近貌，提升保育認知。不過呢個計劃就唔止去睇大熊貓、小熊貓嘅，而黃自己都有同當地專家交流o架。
雖然話黃錦星都並非最近風波嘅主要負責官員，今次外訪亦都係做番環境局相關嘅工作，不過以本港今時今日局勢，就算黃喺外訪中有「收穫」，都唔知係咪可以返港後推行喇。