喺一二年推行嘅強制驗窗計劃，唔單止逾期未完成，申訴專員公署尋日公布嘅調查結果仲批評屋宇署執行呢個計劃嘅「六宗罪」，包括工作進度遠低於預期目標、沒有妥善監察驗窗通知遵從情況等，更有逾一百四十宗未獲遵從驗窗通知個案，延誤五年先發警告信。老實講，依家間唔中都有鋁窗飛墮嘅情況，簡直係都市炸彈四圍飛，但屋宇署署長張天祥喺執行強制驗窗竟然拖得就拖，根本係搵市民條命較飛。
