財爺陳茂波（波叔）早前都講過，受到外圍因素嘅影響，本港嘅經濟增長下滑，佢尋日又話受到近日修訂《逃犯條例》爭議觸發連場示威同衝突不止，若第三季按季再現負增長，技術上會進入衰退。講到咁嚴峻，可以預見到咗經濟衰退，基層市民嘅生活更加艱難，正所謂積穀防饑，庫房坐擁逾萬億元儲備，波叔就應該諗吓，要開倉派米，唔好又做守財奴，撳實荷包，否則又爆民怨唔知點收科？
